الله يخليكم فسرولي هدا لمنامات

انا عندي منام يتكرر لي بصح مختلف شويا من مرة لمرة اول مره شفت روحي عروسه وكان جاو لمعازيم وموالين لعريس باه يديرولي الحنه ولكن انا كي مالقيتش والديا خرجت نحوس عليها ومالقيتهمش وكان لون لاغوب في الاخضر الغامق وفقت من نوما وتاني مره شفت روحي لابسه وعادله انا وبنت خالي لي هي فالواقع مخطوبه صح شفت روحتينا لزوج عرايس ولكن لما دخلت لقيت مكان ليها بوحدها هي قعدت وانا بقيت واقفه شويا قاتلي اقعدي معايا راه كاين لبلاصه وقعدت معاها وكان لون لاغوب نفسو اصفر فاتح وفقت وتالت مره شفت روحي لابسا ووصلو بيت لعريس لدار ولكن انا كنت نبكي لاني مامشطتش شعري ومادرتش المكياج وبقيت نحاول في بنات خالي زوج باه يديرولي قالولي ربي يسهل حتى حنا مزال ماوجدناش رواحنا وكنت لابسا غوب وردي ورابع خطرة شفت روحي لابسه روبه تاع الخطوبه ولكن  كانت باشعه ومش مليحه خلااص ايا رحت بدلت ولبس غوب بيض وعجبتني بزااااف ولكن ماكانش عرس غير بوحدي انا ويما وختى لكبيرا واخر مره شفت روحي عروسه لابس غوب حمرا وكان شعري كحل وطويل جيت نهبل هههه وكان لافوال لي ينحط من فوق راس لعروسه كنت نقلهم نبغيه طويل وكي راحو جابوهولي كان من بلاستيك لبستو شويا وماعجبنيش وفي نفس الوقت ماكانش عندي مكان ليا مكان للعروسه ولكن العرس كان ليا خرجت نحوس على مرت عمي ونحوس نقلها جيبيلي واحد قماش وتبدل هدا تاع بلاستيك غدوا على اساس غدوا يجو يدوني ولكن مالقيتهاش نتمنى نلقا تفسير راه مزالني عازبه

لمنام الاول معناه انك مقامك عند ربي كبير لكن والديك دينهم ليس كامل ومرضي مثل دينك

الحلم الثاني معناه انك رح تتزوجي بعد معاناة واحذري الاختلاء بالرجال

الحلم الثالث معناه انك مصابه بالتابعه ولازم تفدي نفسك قبل ما تدمرلك حياتك حبيبتي

الحلم الرابع معناه انك لازم لا تتسرعي في قراراتك وانك ستحصلي على السعاده بعد معاناة

الحلم لخامس معناه راح تطلع عليك سمعه فالاول طيبه ثم تخافي على نفسك من الفتن راه كل مناماتك فيها انذار ليك للمحاذره على سمعتك

و باقي الحلم يقول انك رح تقعي في الحب لكن الشخص لي رح تحبيه مارحش يوقف معاك راح يكون تحت مستوى الثقه

تجنبي العلاقات لان مناماتك كوولها فيها انذار ليك من تلاعب الرجال

و اوصيك حبيبتي ان تفتحي بعد هذا كل حلم في موضوع منفصل حتى يسهل عليا التفسير يا عمري ومرحبا بك مجددا وياريت اهلك وصديقاتك يشاركن معانا مرحبا ياغاليه و ياريت تنقلي لينكات المنتدى الى صفحتك على لفايس حتى تساعدينا في الاعلان والانتشار حبيبتي

شكرا حبيبتي على تفسير تعبتك معايا راني نشرتها فالفيس للافاده والاستفادة وان شاء الله يزيد عدد الاعضاء تكبر لمتنا

موفقه حبيبتي نحن في خدمتكم